Need Help ?
Call: +977- 036420105

जिल्लाको बारेमा

स्वागत छ जिल्ला शिक्षा कार्यालय खाेटङमा !!!

खोटाङ जिल्ला पूर्वाञ्चल विकास क्षेत्र अन्तरगत सगरमाथा अञ्चल र हालको संघीय संरचनामा प्रदेश नं. १ मा पर्ने एक पहाडी जिल्ला हो । समुद्र सतहबाट १५२ मिटर देखि ३६२० मिटरसम्मको उचाईमा अवस्थित खोटाङ जिल्ला २६º५०ʺ  देखि २७º‍‍ २८ʺ उत्तर अक्षांस र ८६º २६ʺ देखि ८६º ५९ʺ देशान्तरमा फैलिएको छ । वि.स. २०६८ को जनगणना अनुसार यस जिल्लाको कुल  जनसंख्या २,२७,३०६ रहेको छ । साविक ७२ गाविस, १ नगरपालिका, १३ इलाका र २ वटा संसदीय निर्वाचन क्षेत्रमा विभाजन गरिएको यस जिल्लालाई हाल ८ गाँउपालिका र २ नगरपालिकामा विभाजन गरिएको छ । पूर्वको पशुपतिनाथले चिनिने हलेसी महादेव गुफा ,बराहापोखरी, रुपाकोटडाँडा यस जिल्लाका महत्वपूर्ण प्राकृतिक सम्पत्तिहरु हुन् । यस जिल्लाको जातीय ,सांस्कृतिक, धार्मिक विविधता  भित्रको एकता र सहिष्णुता नमूनायोग्य छ । यस जिल्लामा हाल आधारभुत तहको विद्यालय ४२७ वटा माध्यमिक तहको विद्यालय, ९३ वटा क्याम्पस ६ वटा, बालविकास केन्द्र ३४७ वटा, परम्परागत विद्यालय २ वटा, खुला विद्यालय १ वटा, समाहित कक्षाको स्रोतकक्षा ३ वटा, लेखाजोखा केन्द्र १ वटा, सामुदायिक सिकाई केन्द्र २९ वटा सञ्चालनमा रहेका छन् । २७ ओटा स्रोतकेन्द्र रहेको यस जिल्लाका साविकका सबै गाविस र नगरपालिकाहरु साक्षर घोषणा भैसकेका छन् । हाल यस जिल्लामा स्वीकृत दरबन्दीतर्फ प्राथमिक, निम्न माध्यमिक र माध्यमिक शिक्षक दरबन्दी क्रमशः ११४६, २१२, १४४ र राहत अनुदानतर्फ प्राथमिक, निम्न माध्यमिक र माध्यमिक शिक्षक क्रमशः ३२०, १४८, १२५  गरी कुल २०९५ जना शिक्षक कार्यरत रहेका छन । उच्च माध्यमिक शिक्षक दरबन्दी २१ वटा, उच्च माध्यमिक राहत अनुदान ४१ वटा, प्राविधिक शिक्षाको प्रशिक्षक १० वटा रहेको छ । शैक्षिक सत्र २०७४ मा माध्यमिक तह सम्म कुल ५२,८०२ जना विद्यार्थीहरु अध्ययनरत छन् ।